Jarŋŋa – Ådå skierro ”Edge of Time”

Dela på facebook
Dela på google
Dela på twitter
Dela på linkedin

Jarŋŋa musijkkajuohkusin libá musijkára Katarina Rimpi ja Mandy Senger Jåhkåmåhkes. Vargga lågenárjage li mannam dan rájes juogos almodij suv vuostasj ja álgeskierrov. Vajku jage li gållåm la Jarŋŋa nahkam bisodit suv ietjas lágásj jienav ja dan diehti älla vavddam åvdutjij. Ja dav la juogos ienemusát bisodam dajna at adnet guosseartistajt degu dal sámes ja moattet ietjá rijkajs. Daj dagu luluj skierro dåbdum degu 2011, dan jage gå Jarŋŋa luojtij suv vuostasj skierrov. Moattet dajs biehkijs gånnå Katarina Rimpi ja Mandy Senger libá aktu lávlo dåbdduji degu da li váldedum vuostasj skierros.   

GUOSSEARTISTA sámes li Britta-Stina Sjaggo, Elina Israelsson ja Simon Issát Marainen, gájka dåbdos jiena sáme gulldaliddjijda. Dajs ålggorijka musijkárijs gudi guossu dán skierron li friddjastádamusijkár Cris Gera Zimbawes gut dálla årru Bijtámin ja lávllu dav ihkeven tjáppa lávlov Jåhtteviessom. Ienep afrikánska tjuojalvisá gulluji dan aktisasj bargon Robin Ole Njapitajn ja massajdoarrodiddjij Kenyas. Ja aj operalávllájiddje Helle Thun Damarkas guossu suv sierralágásj ávtas jienajn moatten lávllagin. Lassen dasi tjuojadi rájddo ietjá guossemusijkárijs fert slaj instrumentajt, degu dal irländska flöjtav ja Cellov. 

SKIERRO EDGE OF TIME la guhkke degu dal låhkuj biehkijs, 16 biehke ja ájgge, 76 minuvta. Jarŋŋa luluj álkket máhttet juohket skierrov guoktáj, jali moatte EP-aj, dan diehti at vaddet juohkka lávlluj suv ietjas tjielggasup iesjvuodav. Edge of Timean la máhttelis at muhtem lávlo dåssje diehti hielbbi danen gå ållo dajs biehkijs li nåv buore. Ja de luluj diehttelis årrot suohttasabbo Rimpij ja Sengeri ávvodit ienep almodusfestajt.   

Edge of Time la liegga álggo 2020-låhkuj ja miján la vuorddemus at ep dárbaha vuorddet vat låge jage dasik Jarŋŋa almot goalmát skierrov.   

Buoremus biehkke: Jåhtteviessom

Samefolket: 4 av 5 

TÄKSTA MARICA BLIND